ವಿನೂತನ ವಿಧಾನದ ಬೋಧನೆಯ ಎರಡನೇ ಹಂತದ ಯಶಸ್ವಿ ಮುಕ್ತಾಯ. ಇಂದು ಸರಕಾರಿ ಪ್ರೌಢಶಾಲೆ ಹೆಳೇಪೇಟೆಯಲ್ಲಿ ಎಸ್.ಎಸ್.ಎಲ್.ಸಿ. ವಿದ್ಯಾರ್ಥಿಗಳಿಗೆ ಕಲಿಕೆಯಲ್ಲಿ ಹಿಂದುಳಿದ ವಿದ್ಯಾರ್ಥಿಗಳನ್ನು ಗುರಿಯಾಗಿಟ್ಟು ಗಣಿತ ತರಬೇತಿಯನ್ನು 4 ಮಂದಿ ಗಣಿತ ಶಿಕ್ಷಕರ ತಂಡದಿಂದ ನಡೆಸಲಾಯಿತು. ಶ್ರೀ.ಧ.ಅನುದಾನಿತ ಪ್ರೌಢಶಾಲೆ ಉಜಿರೆಯ ಶ್ರೀ ಸದಾಶಿವ ಪೂಜಾರಿ, ಶ್ರೀ ಶರತ್ ಕುಮಾರ್ ತುಳಪುಳೆ,ಸರಕಾರಿ ಪದವಿಪೂರ್ವ ಕಾಲೇಜು ವೇಣೂರು, ಶ್ರೀ ಯಾಕೂಬ್ ಕೊಯ್ಯೂರು,ಸರಕಾರಿ ಪ್ರೌಢಶಾಲೆ ನಡ, ಶ್ರೀಮತಿ ವೀಣಾ ಮೇಡಂ,ಸರಕಾರಿ ಪ್ರೌಢಶಾಲೆ ಹಳೇಪೇಟೆ ಉಜಿರೆ, ಇವರ ತಂಡವು ಎಸ್.ಎಸ್.ಎಲ್.ಸಿ.ಪರೀಕ್ಷೆಯಲ್ಲಿ ಗಣಿತದಲ್ಲಿ ಉತ್ತೀರ್ಣಗೊಳ್ಳಲು ಅಗತ್ಯವಾದ ಮಾಹಿತಿಗಳನ್ನು ನೀಡಿದರು. 15 ಅಧ್ಯಾಯಗಳನ್ನು ತಲಾ 5ರಂತೆ ಸದ್ರಿ ಶಾಲೆಯ ವೀಣಾ ಮೇಡಂ ರನ್ನು ಹೊರತು ಪಡಿಸಿ ಉಳಿದ 3 ಮಂದಿ ಹಂಚಿಕೊಂಡು ತರಬೇತಿ ನೀಡಲಾಯಿತು. ಗಣಿತದ ಕ್ಲಿಷ್ಟತೆಯನ್ನು ಅತ್ಯಂತ ಸರಳ ರೀತಿಯಲ್ಲಿ ಬೋಧಿಸಿ ವಿದ್ಯಾರ್ಥಿಗಳ ಮೆಚ್ಚುಗೆ ಗಳಿಸಿದರು.ವಿದ್ಯಾ ರ್ಥಿಗಳು ಬಹಳಷ್ಟು ಆಸಕ್ತಿಯಿಂದ ಈ ಕಾರ್ಯಕ್ರಮವನ್ನು ಮೆಚ್ಚಿಕೊಂಡಿದ್ದು ವಿಶೇಷವಾಗಿತ್ತು. ಇಡೀ ದಿನ ಗಣಿತ ಬೋಧಿಸಿದ್ದೇವೆ ಎಂಬ ಬೇಸರ ಸ್ವಲ್ಪವೂ ವಿದ್ಯಾರ್ಥಿಗಳಲ್ಲಿ ಕಾಣಿಸಲಿಲ್ಲ. ಸಹಕರಿಸಿದ ಎಲ್ಲರಿಗೂ ಧನ್ಯವಾದಗಳು. ಈ ಕಾರ್ಯಕ್ರಮವು ವಿದ್ಯಾರ್ಥಿಗಳಿಗೆ ಪ್ರೇರಣೆ ನೀಡಿದ್ದು ಗಣಿತ ಫಲಿತಾಂಶದಲ್ಲಿ ಹೆಚ್ಚಳಕ್ಕೆ ಖಂಡಿತಾ ನೆರವಾಗಲಿದೆ.ಕಾರ್ಯಕ್ರಮಕ್ಕೆ ಸಂಪೂರ್ಣ ಸಹಕಾರ ನೀಡಿದ ಮುಖ್ಯ ಶಿಕ್ಷಕಿ ಶ್ರೀಮತಿ ತಾರಕೇಸರಿ ಮೇಡಂ ಇವರಿಗೆ ನಮ್ಮ ತಂಡದ ಹೃದಯಪೂರ್ವಕ ಧನ್ಯವಾದಗಳು. ಇಡೀ ದಿನದ ಕಾರ್ಯಕ್ರಮವನ್ನು ಶ್ರೀಮತಿ ವೀಣಾ ಮೇಡಂ ಆಯೋಜಿಸದ್ದರು. ಕಾರ್ಯಕ್ರಮವು ಬೆಳಿಗ್ಗೆ 9.00ರಿಂದ ಸಂಜೆ 5.30ರ ತನಕ ಬಿಡುವಿಲ್ಲದೆ ನಡೆಯಿತು.
0 comments:
Post a Comment