Innovative action to improve SSLC Result 2018

ಒಂದು ಹೊಸ ಪ್ರಯೋಗ. ಸದಾಶಿವ ಪೂಜಾರಿ, ಅನುದಾನಿತ ಪ್ರೌಢಶಾಲೆ ಉಜಿರೆ, ಶರತ್ ಕುಮಾರ್, ಸ.ಪ.ಪೂ.ಕಾಲೇಜು ವೇಣೂರು, ವೀಣಾ ಮೇಡಂ, ಸ.ಪ್ರೌ.ಶಾಲೆ ಹಳೇಪೇಟೆ ಉಜಿರೆ ಹಾಗೂ ಯಾಕೂಬ್ ಕೊಯ್ಯೂರು ಇವರುಗಳ ತಂಡದಿಂದ ಒಂದು ವಿನೂತನ ಪ್ರಯೋಗ. ಉದ್ದೇಶ ಎಸ್.ಎಸ್.ಎಲ್.ಸಿ.ಫಲಿತಾಂಶ ಉತ್ತಮ ಪಡಿಸುವುದು. ಅದಕ್ಕಾಗಿ ಕಲಿಕೆಯಲ್ಲಿ ಹಿಂದುಳಿದ ವಿದ್ಯಾರ್ಥಿಗಳೇ ಟಾರ್ಗೆಟ್. ಈ ಶಿಕ್ಷಕರುಗಲು ಬೋಧಿಸುವ 4 ಶಾಲೆಗಳಲ್ಲಿ ವಿಶಿಷ್ಟ ಬೋಧನೆ. ಒಂದು ದಿನ ಈ ನಾಲ್ಕು ಮಂದಿ ಶಿಕ್ಷಕರುಗಳು ಒಂದೇ ಶಾಲೆಗೆ[ ಆ ಶಿಕ್ಷಕರುಗಳ ಬೋಧಿಸುವ ಶಾಲೆಗಳು ಮಾತ್ರ ] ತೆರಳುವುದು. 4 ಮಂದಿಯೂ ತರಗತಿಯಲ್ಲಿ ಉಪಸ್ಥಿತರಿರುವುದು. ಆ ದಿನ ತರಬೇತಿ ಇರುವ ಶಾಲೆಯ ಶಿಕ್ಷಕರನ್ನು ಹೊರತು ಪಡಿಸಿ ಉಳಿದ ಮೂವರು ಆ ದಿನ ಗಣಿತದ 15 ಪಾಠಗಳನ್ನು ತಲಾ 5 ಪಾಠಗಳಂತೆ ಹಂಚಿಕೊಂಡು ತರಬೇತಿ ನೀಡುವುದು. ಇಂದು ಅದರ ಮೊದಲ ಪ್ರಯೋಗ ನಡೆದದ್ದು ಸರಕಾರಿ ಪ್ರೌಢಶಾಲೆ ನಡದಲ್ಲಿ. ಸದಾಶಿವ ಸರ್, ಶರತ್ ಸರ್ ಹಾಗೂ ವೀಣಾ ಮೇಡಂ ಇವರುಗಳು ಕ್ಲಿಷ್ಟವಾಗಿದ್ದ ಗಣಿತವನ್ನು ಸರಳವಾಗಿ ಬೋಧಿಸಿ, ಕಲಿಕೆಯಲ್ಲಿ ಹಿಂದುಳಿದ ವಿದ್ಯಾರ್ಥಿಗಳಲ್ಲಿ ಆತ್ಮ ವಿಶ್ವಾಸ ತುಂಬುವಲ್ಲಿ ಯಶಸ್ವಿಯಾದರು. ಬೆಳಿಗ್ಗೆ 8.30 ರಿಂದ ಸಂಜೆ 5.40 ರ ತನಕ ನಿರಂತರ ಮೂರು ಮಂದಿಯೂ ಬಿಡುವಿಲ್ಲದೆ ವಿದ್ಯಾರ್ಥಿಗಳನ್ನು ತೊಡಗಿಸಿಕೊಂಡರು. ವಿದ್ಯಾರ್ಥಿಗಳು ಕೊನೆಯ ತನಕವೂ ಉಲ್ಲಾಸದಿಂದ ಭಾಗವಹಿಸಿದ್ದು, ತರಬೇತಿಯ ಬಗ್ಗೆ ಖುಷಿಗೊಂಡಿದ್ದರು. ಈ ಪ್ರಯೋಗವು ಫಲಿತಾಂಶದ ಮೇಲೆ ಧನಾತ್ಮಕ ಪ್ರಭಾವ ಬೀರುವುದರಲ್ಲಿ ಸಂಶಯವಿಲ್ಲ. ನಮ್ಮ ಶಾಲೆಯಲ್ಲಿ ಯಾವುದೇ ಪ್ರತಿಫಲಗಳ ನಿರೀಕ್ಷೆ ಇಲ್ಲದೆ, ವಿದ್ಯಾರ್ಥಿಗಳ ಫಲಿತಾಂಶದ ದೃಷ್ಟಿಯಿಂದ ಪೂರ್ತಿ ದಿನ ತರಬೇತಿ ನೀಡಿದ ಮೂವರಿಗೂ ಹೃದಯಪೂರ್ವಕ ಧನ್ಯವಾದಗಳು. ಕಾರ್ಯಕ್ರಮದ ಯಶಸ್ವಿಗೆ ಸಹಕರಿಸಿದ ನಮ್ಮ ಮುಖ್ಯ ಶಿಕ್ಷಕಿ ಶ್ರೀಮತಿ ಶರ್ಮಿಳಾ ಮೇಡಂ ಹಾಗೂ ಎಲ್ಲಾ ಶಿಕ್ಷಕರಿಗೂ ನನ್ನ ಧನ್ಯವಾದಗಳು. ಮುಂದಿನ ತರಬೇತಿ ವೀಣಾ ಮೇಡಂ ರವರ ಸ.ಪ್ರೌ.ಶಾಲೆ ಹಳೇಪೇಟೆ ಉಜಿರೆಯಲ್ಲಿ ನಡೆಯಲಿದೆ.